20-ci Malayziya Beynəlxalq Halal Sərgisində mindən çox şirkət iştirak edəcək

13 May 2024 - 20:46

20-ci Malayziya Beynəlxalq Halal Sərgisində 20 mindən çox şirkət iştirak edəcək. Malayziya Beynəlxalq Halal Sərgisi (MIHAS) 17-20 sentyabr 2024-cü il tarixlərində Kuala Lumpurda keçiriləcək.

Sərgidə qida və içkilər, əczaçılıq məhsulları, tibbi avadanlıqlar, maliyyə xidmətləri, ekoloji təmiz texnologiyalar və halal turizm xidmətləri də daxil olmaqla halal məhsul və xidmətlər təklif olunacaq.

Eyni şəkildə, MIHAS alış və satışı asanlaşdırmaq üçün biznes şəbəkələri və məlumat mübadiləsi görüşlərini də əhatə edəcək və iştirakçılara və ziyarətçilərə fikir mübadiləsi aparmaq imkanı verəcək. Bu görüşlər həm oflayn, həm də virtual olaraq keçiriləcək.

MIHAS Sərgisinə 45 ölkədən 2 min stend, 460 alıcı və 40 min ziyarətçinin qatılacağı gözlənilir.

Ötən ilin sentyabrında baş vermiş bu tədbirdə 3,2 milyard ringgit dəyərində iş görülmüşdür.

Bundan əlavə, bu ilin sonunda 18-20 noyabr tarixlərində Dubayda Malayziya Beynəlxalq Halal Sərgisi keçiriləcək. Malayziya Milli Xəbər Agentliyi elan edib ki, bu yarmarkanın təşkilatçısı olan Malayziya Xarici Ticarətin İnkişafı Şirkəti (MATRADE) bu tədbirdə dünya ölkələrinə kommersiya imkanlarının inkişafı ilə bağlı plan və gözləntilərini təqdim edəcək.

Malayziyanın Xarici Ticarətin İnkişafı Şirkətinin sədri Rizal Merikan Naina Dubay Sərgisinin Malayziyanın qlobal halal sahəsində lider ölkə kimi nüfuzunu artırmaq üçün bir yol olacağını və şirkətin MIHAS-ı Çin, Avropa və Mərkəzi Asiya kimi bazarlara təqdim etmək imkanlarını genişləndirməyi nəzərdən keçirdiyini bildirib.

 

iqna.ir